الرعاوين فى الغابة احتفالا بنهاية سنة مقودة وبداية اخى

الرعاوين معولّين يخربّوها اليوما فالغابة احتفالا بنهاية سنة مقودة وبداية أخرى غا تكون مقوّدة تا هيّ لأن لا تباشير جميلة تلوح في الأفق ... تتشابه السنوات كشتائل غرس لا نعلم مآل ونهاية فروعها حين تكبر .. أستُزّهِر ورداً وتوليباً أم ستشيخ وتذبل قبل الأوان .. ولأنهم ناويين على ليلة كحلة زحّلة اتصالوا بيا مع العشرة يعلموني بالبرنامج اللّيلي للاحتفال وضرورة حضروري .. أصروا على ضرورة نكون وسطهم في ليلة توديع السنة من بار مولانا (الغابة).. الاصرار ديالهم في التواجد معاهم بالاحتفال ليس حباً في سواد عيوني .. ولا لأني أنا لي كنشطهم بتعاويد النكت .. ولّى واحد يعرف يشد العبار ديال التّورني .. هوما خايفين من جدارمية يجوا على غفلة ويجمعوا الخرّا كامل فالكوكوت ويصبحوا الاثنين واقفين عند نائب الوكيل يجاوبوه: سميت بّاك .. سميت مّك.. عارفيني نعرف نزاوّك ونطلب ونَدير عار الله وندافع على حق البؤساء في الاحتفال ولو بالماحيا وبين أشجار الغابة غير المثمرة .. بغاوني ولاد القحاب محامي في حالة وقع طارئ ووقفوا صحاب الحال عليهم على غفلة.. عليها كال ليا ضميري استغل الفرصة وبيع راسك غالي أحسن .. وجاوبت ذاك لي كلّفوه بمهمة التواصل معي وضمان حضوري بأي شكل كان؛ ب : - ليترو ديال الماحيا ديالي تا واحد ما يكول ليا غا تورني عفاك فاش يتقلّب الليل .. - جبتّو شي هاربة أنا اللول نسّكْسَكها راه دغيا كنعيّا. - دوك الكجامات والحسابات نساوهم تا لنهار الاثنين راه ما فينا لي يصبّح عند قاضي التحقيق: شكون لي ضربوا؟ - الدجاج لي كتجيبوا باسل تكول حوينوا قبل ما تذبحوه.. كيلو ديال لحم البكري وما يطيبوش المصطفى .. - ذيك الموسيقى ديال شوافر النقل المزدوج حبذا تخلاوها تا نتشدُّوا كاملين. - نعيمة التَّفَافَة حطوها حدا الزوبير باش يكمل المنظر ماشي تجيبوها حدايا الليل كامل وأنا معذب غا مع وجهي نمسحو من دفالها. - الرابوز لي كيستعمل عبد العاطي يكون جديد ماشي تا للجوج وتشدو لينا السّخفة ونخسروا عليه جوج بصلات نشمّموهم ليه وهو ماساوي ربعة دريال .. بغيتوا هاد الشروط مرحبا .. عندكم شي اعتراض والزوبير طلع للنخلة وكال: لا .. أنا لي غا نديكلاري بالقحبيماتكم .. ومع خليّت ليه: يكون خير والخمسة ديال العشية نرد عليكم الجواب؟ بان ليكم ما نضيف فالشروط ولّى باركا عليهم هادشي؟