خليونا نصورو طرف ديال الخبز.......... مقتطف من حوار مع السوحافي
- خليونا نصورو طرف ديال الخبز.......... مقتطف من حوار مع السوحافي
- شنو مستواك الدراسي ؟
- عندي الإجازة ف العلوم السياسية، وماستر ف العلاقات الدولية
ودبلوم من المعهد العالي للصحافة.
- وفاش خدام ؟
- أنا صحفي ف إحدى الصحف الإلكترونية.
- مزيان. شنو أهم الأعمال لي قمتي بيها كصحفي ؟
- درت لحد الان 5 استجوابات مع دنيا بطما والشيخة الطراكس
والشيخة التسونامي وعلال القادوس ويونس بني ملال وهاديك
البنوتة ديال الارنابات وداكشي. وكتبت العديد من المقالات على
قصة نجاح كيم كارديشان المغربية وعلى حياة نيبا المراكشي
وأدومة الطنجاوي وفضيحة كروب غلامور وعفوية إيكشوان
إيكنوان وخلاف الغاوي مع خوتو... وانا مسؤول في نفس
الجريدة
على فقرة "شاهد قبل الحذف" وعمود "طاغي صحابك
وعشرانك" والوصلتين الساخرتين " الهربة" و"طيرتوني"...
لموهيم نسأل الله التوفيق، مهنة الصحافة ماشي ساهلة.
- واش من نيتك ... ؟
- واللهم هاكا ولا البطالة أخويا.. سترونا صافي اللاحفظكم
وخليونا نصورو طرف ديال الخبز.
(مقتطف من كتاب حوار مع صديقي السوحافي، الصفحة 541)
0 تعليق
إرسال تعليق