كلاش رباعي الأبعاد .........سراق الزيت........

ضيف هذا المساء هو البوگوص اللي أي امرأة كتشوفو كيبدا قلبها يجري... إنه الصديق الجميل السي سراق الزيت Cockroach… كائن ليلي بحال بنميلود.. ممكن ياكل اي حاجة.. ورق خبز سكر حشرات ميتة خراء زغب خلايا الجلد الميتة.. ممكن يبقا أسابيع بلا ماياكل.. وممكن يعيش أسبوع بلا راس.. يقدر يحبس التنفس ويبقا تحت لما نص ساعة..
انثى سراق الزيت تقدر تلاقا مرة وحدة فقط في حياتها بذكر وتبقا تبيض ديما.. حيت كتخبي لي شاط من عملية القذف.. ماشي بحال المرأة اللي كتاخذ حيوان منوي واحد وتلوح الباقي في الزبالة. هادا تبذير لا يرضاه الله ورسوله. بينما أنثى سراق الزيت عندها عقلية سوسية.
فاش كنسمعو الشينوا كياكلو سراق الزيت كيجي فبالنا سراق الزيت المغربي المعفون اللي كيخرج من الطواليط..
كاين 4000 نوع ديال سراق الزيت.. فقط ثلاثين نوع اللي كيعيشو مع بنادم .. وأغلبهم كيكونو نظاف بحال اللي كيعيشو في الطبيعة ..كياكلو وراق الشجر .. ماشي بحال سراق الزيت ديال القادوس.. حتا سراق الزيت ديانا لكبر في بيئة نظيفة غيكون صالح للأكل. في الصين كاين مئات المزارع المتخصصة في تربية سراق الزيت. كيعلموه اللغة الصينية ويدوش يوميا ويغسل فمو بالمعجون. وفي المناطق اللي فيها المسلمين كيعلموه تا كيفاش يتوضا.
كاينة واحد الخرافة أو حقيقة كتگول أن سراق الزيت هو الكائن الوحيد اللي ممكن يبقا بعد انفجار نووي. بسبب أن الجسد ديالو مقاوم للاشعاعات.
سراق الزيت من قدماء المحاربين... قرا مع الديناصور في الابتدائي.. موجود على الأرض منذ أكثر من 300 مليون سنة.. شي نهار ينوض يگول لينا أنه الساكن الأصلي للأرض ويطالب بترحيلنا إلى السعودية.