معالي الوزير: هذا مابغاش يشري لحليب .......

رونس 24 قالت ليك أن نسبة تأييد المغاربة للمقاطعة بلغات 80 فالمئة و يجي بيدق نجح فالانتخابات بنسبة 43 فالمئة واخا نقسم بالذي لا اله الا هو ما واصلة 20 فالمئة لأننا واكبنا حملة ما مصوتينش و الشعب خلاهم تينشو الكبال لكن الداخلية دارت خدمتها و حكات 43 باش تقرب للنصاب 50 فالمئة ما أمكن و تعطي الشرعية للمحكومة لي شدات الكرسي للمرة الثانية ... يعني اولاد الناس المقاطعين المجهولين أضعاف مضاعفة تضاعفية على البادة ديالكم لي ساندوكم و تحي بكل وقاحة تخرج فعينيك و تسب و تشتم ؟؟ واش نسيتو انه كاينين حقوقيين ولاد الشعب و محاميين ولاد شعب و اساتذة قانون ولاد الشعب ؟؟؟ واش تتظنو منلقاوش ليكم تخريجة بالقانون و الدستور و نقومو بسحب الثقة و الشرعية منكم يا الجرذان ؟؟
فراسكم أن كل الاوضاع لي وصلنا ليها هي بسبب قيادة رشيدة لينا و على يديكم انتم يا الحثالة و انه ماشي نتوما تجربو فينا الرباح ليكم و الخسارة لينا و أبشركم انه الاستقلال الدستوريين الاشتراكيين شفرو فايامات الغفلة و دارو الروينة لكن ما وصلوش للي وصلتو ليه نتوما يا حكومة الحليقية و هادوك دازو فالظلمة ما كينش باش يتوثقو ما دارو و قالو فالشعب اما نتوما حض و 3ض و 4خ و فيديواتكم غيبقاو فالذاكرة و فالصفحات و مواقع الويب ليوم الدين و عمركم مازال تحلمو تحطو مسعودتكم فالكرسي .. و أخيرا عندي ليكم واحد الاقتراح علاش ما تديروش الحليب و الماء و حتى الكازوال فقراعي ديال الزجاج تكون ثنائية الاستعمال   و بارك بارك خوذ عمتك
Anonymous MasSaktinch