يوميات متشردة قصة واقعية ; الحلقة الاولى

سميتي زهيرة عندي عندي 14 عام انا متشردة سميت راسي متشردة من بعدما كنت عيشة حياة رفاهية لبس اش بغيت ناكل فاش بغيت كنت حسن من كلشي و كنقرا ولكن مشاكيل خلاتني نقاطع على قراية ..وخا دابا انا كنكتب ليكم كنبات فخيرية على شتا و البرد معناة لا توصف من ضرب و القهرة ولا معاملة كنبكي وانا كنعاود ليكم فقصتي لي كدير الفقصة .. حناتش الام لي مرباني حيدات ليا كفالة والاسباب تعرفوها ...
الام لي مبراني ميسروة لباس عليها حينت راجلها الله يرحمو كان خدام فبلجيكا و متقاعد ونظرا لانها كانت كتعيش بحدها.. قررات تربي شي بنت و جابتها الاقدار انها طاحت فالام ديالي الحقيقة لي دارت شي علاقة مع واحد كتبغيه وباش ضرك على راسها ناضت جات مدينة تا ولداتني و عطاتني ورجعات لعروبية لي كانت فيها ...
انا غير مربية تقدرو تقولو عليا بنت غير شرعية او بنت زنا كيفما كتقولو ليها نتوما ماشي موشكيل ولكن اشنو دنبي انا ؟؟
قصتي بدات هادي عام فاش فكرات الام ديالي لي مرباني تزوجني على سن 13 من واحد عروبي كيمشي فرانسا .. وخا نا قاصرة و مزال معارفاش بحق دنيا كنت مزالة معارفة والو كنفيق صباح كنمشي نقرا كرجع نتغدا هادي هي حياتي فلول .
لي واحد نهار مع دخلا لدار كلست تا كتقوليا زهيرة بنتي غادية نزوجك ؟؟ ضحكت لانني مصدقتش تزوجني وانا مزالة قاصرة كنقرا فسابعة ابتدائي ما كنعرف نطيب تا بيضة
كفاش هاد زواج ..وشكون ؟؟ واحد كمشي فرانسا قلت ليها انا مبغاش نتزوج بغا تا نكبر و نكمل قرايتي .. دارت راسها مسمعاتنيش و دارت لي فراسها من بعد مادازت سيمانة
جا دري و جاو عائلتو باش يخطبو وخا انا مقابلاهش نهائيا وخا مشفتوش فوجهو حنت كنت رافضة فكرة زواج بتاتاا .. شفتو قصير القامة من صحاب تحاسن و سبرديلات طالعة ياا سلام على زوج المستقبل لي جابت ليا فتى الاحلام .... وليت كنقول يكما كنحلم واش ماما بعقلها باغة تزوجني بهدا لي انا ماشي من سهمو .. لموهيم دازت خطبة معرفتش اش قراو فاتحة ولاما قروهاش اصلا مكنتش كالسة معاهم حينت ممسوقاش ..ولكن مباشرة ملي داز هاد شي جا واحد نهار لعندنا و بغا يخرجنا ندورو الام ديالي قالت ليا سيري معاه قلت من بعدما كليت طحنة لعصة مشيت بزز داني واحد قهوة كيكلسو فيها غير هوما .. ما ضهلارنا ما والو حدو شد تلفون شوية عيطات ليه شي خيتي مشا عندها قدام عيني كلس معاها شوية جا قاليا نديك لدار عندي شي غراض نمشي فرحت قلت هاد شي نقولو لماما غادية تجري عليه .. ولكن كان العكس ملي قلتها ليها طحناتني عصى و قلت ليا تبقاي تقولي هاد هضرة
حياتي تقلبات خاصة ان هدا لي بغات تزوجني بيه ما فيهش صفات رجولة يظل سكران و يتسارا مع لبنات .. شيء لي خلاني رفضت نتزوج بيه ملي شفت عليه بزاف حوايج خابين وهنا يبداو من عائلة ديال الام ديالي لي مرباني وحتى من عائلة دري لي كانو كينقنعوني بلي غايديني فرانسا و غادية نعيش بيخير الهضرة لي كيقنعو بيها اي بنت صغيرة هبيلة فحالي وخا ماكنتش طامعة كنت كنقوليهم بغاة نكمل قاريتي قالو ليا غير قبلي عليه وكملي قرايتك وملي ديري 18 عام يديك وعدة اسباب حينت عندي 13 عام كنشوف هاد شي كبير عليا ... من بعد مدة ستسلمت لامر واقع وخا واج بلا وراق غير بسمية الام لي مرباني بغات دير ليا عرس فحال بنات وبدات كتوجد ولكن فكرة ديال رفض كانت كتجيني فراسي ديما .....و هنا فاش يبداو مشلاكيل ديال بصح ... لي وصلاتني لخيرية و تشرد ليوم ...
يتبع ..