مدونة السير القانون على دراجة نارية

مرحبا . هادي بعض المخالفات لي كاينة فالقانون وقليل لي كيعرفها أولا خاصكم تعرفو أنا أي دراجة نارية كتدخل للبلاد عن طريق الديوانة كتخضع لبززاف ديال الشروط وأهمها الموافقة أو المصادقة homologation . والمصادقة كتكون على جميع أجزاء الدراجة بالتفاصيل المملة خاص الشركة تخط الشيما كاملة ديال الدراجة بولون هو اللخر كيخضع للمصادقة . وأي تغيير كيكون فالدراجة من بعد يعد مخالفة حسب القانون 👍 يعني نتا كصاحب الدراجة النارية خاصك تخلي الدراجة كيفما شريتيها من الشركة . ممنوع تزيد ولا تنقص عليها شيحاحة كيفما كانت . نعطيوكم أمثلة على أشهر المخالفات . 1. بدلتي المحرك مخالفة تستدعي الحجز 2. بدلتي السيلاندر والكيلاص مخالفة تستدعي الحجز 3. بدلتي الشاكمة مخالفة واخا تݣول ليا مفيهاش الصداع 👍 4.الناس لي كيحيدو الجناح ديال الموطور خصوصا صحاب c50 مخالفة هاديك حسب القانون . 5. ركبتي فار سوكور فيه ألوان من غير الأبيص مخالفة . 6. ركبتي بولة للموطورك زرقة مخالفة 7 . الناس لي كتحيد المرايات ديال الموطور مخالفة . 8 . تغيير لون الدراجة على ما أعتقد ماشي مخالفة بحال السيارات . 9. ركبتي صفيحة أو بلاكة من غير المصادق عليها مخالفة . 10. ممنوع عليك تركب هاد الأضواء فموطورك يعد مخالفة . الضوء الأزرق . الضوء الأحمر والأخضر ... 11 . الناس لي كدير الكلاكصون ديال البوليس ولا ديال سيارة الإسعاف هاديك مخالفة 👍 هادشي كاملو أخويا مخالفات حسب القانون ويلا قيد ليك المخزن عليهم راه من حقو حسب القانون ولايعذر أحد بجهله القانون . ربما هاد المنشور مغاديش إعجب بززاف ديال المتابعين ولكن راه خير ليك تعرف القانون قبل متصيد والهدف ديالنا هو نشر المعلومة ويستافد الجميع والأغلبية معندهاش ثقافة قانونية وخاصها تعرف القانون باش تهضر على راسها . تحياتي من صفحة #cherko_moto_marrakech يتبع....