تحركوا ترزقوا أ دراري... بلاد مقودة وي ا صديقي لا شك في ذلك ...

تحركوا ترزقوا...

شباب نسا داك طرف milf لي كدوي معها دابا واتساب و نسا ساطة لي كطيب فيها دابا في مسانجر و ركز معايا غير دقيقة...

🤛 #تحركوا_ترزقوا 🤜 هذا هشتاغ جديد بيغيناه يطلع كونصيبط ساهل و منافعه كثيرة... :

كلنا تكرفسنا تقتلنا على طرف خبز حلال طيبا كاين لي مازال مقاتل ... كاين لي تجاوز ضرفية مقودة ديال ما عندوش فلوس قهوة فلوس حلاق... سهل عليه الله دابا...

بغيناكم ا شباب في هذا هشتاغ طبارطجو معنا تجربتكم مع ديباناج وقت تشوميوة و قت تحنسير... كيفاش كنت كضبروا على مصروف تعودوا لينا على افكار صغيرة و تجارة صغيرة و بيعة شرية صغيرة...

عطونا دوك بيعة شرية لي كطلب راس مال صغير 500 درهم حتى 3000... عطونا دوك بريكولات لي ممكن تخدمهم في دار...عطونا سرفيس لي كنت كتقضيه لناس كيخلصوك... عطونا حلول يخلي شاب رجوليست على اقل ضامن مصروف ليومي ديالو...

كروسة سندويش....تقاشر... كالسوات...ماعن... ديكورات...تركاب ويفي برابولات.... فراشة قدام جامع...سليعة كدور بها في قهاوي...داكشي بسيط لكن يغنيك طلب و سؤال فلوس قهوة او فلوس طرونسبور باش دفع CV ديالك...كلنا عندنا تجارب... شركوها معنا

انا مثلا بحكم ولد كازا كنت كنهبط گراج علال تا ثلاثة عشية... كنخد كارطونة طبسيل كبير و كارطونة طبسيل صغير... كنخدهم من حانوت جملة كنبعد عليه بشي 500 متر كنحطهم الارض كنبدا نبرح عيالات فرصة مناسبة زيدو ما بقاوش.... كتجمع جوقة و الله العظيم في اقل من نص ساعة جوج كراطن مشاو.. كرجع نجري لمول جملة جوج كارطونات اخرين باش ما نعيقش كنوع كنخد كيسان و برارد كرجع بلاصتي ارك تبراح و لغوت كيسهل الله كتفرتك...درت فراشة تا عييت بعت داكشي بلاستيك... بعت ملابس داخلية... بعت داكشي مناسبات عيد صغير لحوايج... رمضان زبدة و عسل... عيد كبير تبن بصلة جناوا شوايات... دور تصور لفطور...

كتوصل خمسة ستة عشية كلقى رابح واحد وريقة 200 او 150...نهار لعيان 80 درهم... راجع فرحان شاد قهوة مع دراري مدخل معايا شي ميكة دسير للدار... غذا كنعود نفس بلان.. كنسيح على رزقي... اما عواشر مناسبات كتكون زاهية... فحال هذا وقت كنت كنخد مظلات... و دوك لعيبات بابا نويل و ديكورات راس عام... اراك لتبراح...

هذا شي كامل كان راس مالي داكشي لي كنتقدا بيه 600 درهم جوج كراطن كيخلو ليا 100 في وحدة... اما عواشر مممكن نضرب تا 5 كارطونات حتى 8...

تحركوا ترزقوا أ دراري... بلاد مقودة وي ا صديقي لا شك في ذلك ... وكلينا في رزقنا وي أ صديقي لا شك في ذلك... لكن وياك تخور و تربع يدك تخليهم يطلعوا معاك قالب يرجعوك انسان سلبي عدمي كلك يأس و إكتئاب ما تخلوهمش يقصو لك جناح باش طير و تحلق... حلم أ صديقي تمنى الخير... خلي عندك امل... خرج تقاتل مع قحبة مها حياة... راه افضل لك تموت انت تحاول تخد حقك و نصيبك بيدك... على انك تموت مكتأب و انت دوزت حياتك كتسناهم يدقو علك يعطوك حقك في فوسفاط و ثروة....عيش دين مها راه حياة وحدة عندك...

Benhrif Tarik