منشور يشفى الغليل .... زياش ﻻ يتحمل مسؤلية الخسارة المنتخب

إلى كنتي متعصب بلا ماتقرى غادي غير نضرك فراسك الحبيب

😉

كيقول المثل الأنطروبلوجي الشعبي ""إلى طاحت البكرة كيكثرو 

الجناوى "" 

كل مرة كيثبت الشعب المغربي بالخصوص واحد الفئة ماتقدرش 

يصنفها العلم النفسي أش من حالة مرضية كنتمي والسبب وهو

 ان 

هاد النوع كيعاني اضطرابات عقلية ونفسية فنفس الوقت، يمكن

 يكون حبيبك إلى قضيتي ليه حاجتو ويكون عدوك إلى ماجيتيش 

على هواه وهاد الخاصية عندهم ماشي غير كتعلق بمجال

 الساحرة 

المستديرة. ..كيف وقع للصكع زياش من زهرو المنحوس تولد 

فبلاد عامرة غير بالعقد النفسانية بحال شي قنبلة موقوتة على سبة 

خصها غير امتا تنفاجر على أي شخصية كيفما كانت باش تبرد 

فيها السم ديال الحقد لي كتعيشو بسبب ظلم المجتمع ليها ..كأني 

بها كتلقى هاد الفئة المسمومة فرصة فين تلقي بكامل الفشل ديالها 

واللوم على الآخر إلى فشل ،، وزياش أكبر مثال على هادشي 

..إلى لعب مزيان رآه حبيبنا وإلى ماكانش فنهارو رآه عدونا 

وخرج علينا. ...كلشي فجأة ولا قاضي وأستاذ وكيفهم شنو الصح 

شنو الخطأ. .وعلاش ضيع ضربة جزاء وعلاش وعلاش وعلاش.

 ..حتى واحد ماقال الله يكون فالعوان حتى هو بشر وماكرهش 

يكون احسن لاعب فالماتش. ...ولكن تجري الرياح بما لايشتهي 

زياش. ...الكرة كرهاتو والعارضة نحساتو ....بغات تقول لدوك 

المنافقين لي غير تابعين الغالبة. ...راه نقطة قوتك ممكن تكون 

نقطة ضعفك ..

علاش ماطلعو النيفو وتشوفو مبارة كرة القدم ماشي مجرد لعبة 

ولكن هي بمثابة درس عن الحياة لي كنعيشو يوميا فالواقع تفرجنا 

فريوسنا مباشرة فيها على المستطيل الأخضر. ..

حارس المرمى = الصبر وقوة التحمل 

خطوط الدفاع= الصحة والمرض 

خط الوسط = تخطيط المنظم ياصيب يايخيب 

الهجوم= الهدف والطموح(ياتحقق على شكل بوصفة يا يفشل 

على 

شكل زياش ) ماشي المهم أسماء اللاعبين فالفشل أو النجاح. 

...المهم هو أننا حاولنا ودرنا لي فجهدنا. ..كيف كنحاولو باش 

نحققو طموحاتنا وكنصدادمو بخيبات الأمل. ..وماكلقاوش حتى

 واحد فجنبا. ..كلقاو غير لي يزيد علينا. ..

شوفها من هاد الزاوية وشوف ذاك الاعب راه مضمر كثر منك 

نتا 

لي باغي باش تفرح وتخرج للشارع تدير الفوضى وتفيلمي راسك 

كتغوت بحال إلى ضاربك جن باش تبان فالستوري راك عايش

 مع 

الحدث وحاس براسك بحال إلى نتا لي ربحتي الكاس باش تنسى 

الفشل ديالك الحقيقي فالحياة. ...

فكر بلي داك اللاعب راه راهن بمستقبالو ف90 دقيقة وبكرامتو 

حطها فكرة عامرة بالبرد. ..واش هو كره يسجل. ...ماتنساوش 

بلي حتى هو كانت موراه عائلتو كتنسناه يفرحها الأم ديالو تلقاها 

بكات الدم على قبل ولدها حيت عارفة حتى واحد من شعب الدم 

غادي يرحمو وهو مايكرهش ينتاحر على قبل ميمتو غير 

مايشوفهاش هازة ليه الهم وقلبها كحلو الغم. ...تلقاها كتقول ليه 

كون غير عطيتي هاد الزمر بالتيساع. .ولعب غير فأجاكس ع 

الأقل هوما معك فالحلوة والمرة. ..

كالعادة أغلبية شعب النفاق نكارين الخير، ماكيعرفوش المثل 

القائل (ماحك جلدك مثل ظفرك)هادو مثلهم بوحدو ( ماكسر

 ظهرك غير أبناء جلدتك ) تبعتوه بالعين وبغيتوه يتسكم ليه السعد

 ...نتوما نهار ماكتشجعهمش كيوصلو للنهاية أو النصف. ..ملي 

كتشفوهم وصلو عاااد كاتشجعهم وكيخسرو. ..كيف طرى مع 

تونس 2004 ومع مصر فاخر دورة 2017 ..تشجعيكم داويو به 

ريوسكم باش تنجحو فحياتكم. ..كون الخوخ يداوي كون داوى 

راسو هههههه 

السيد قرهوتوه بالهضرة حتى شوشتو عليه وخليتوه يحس 

بالمسؤولية مابقى عارف واش مشارك فالكان ولا يجي يترشح 

للحكومة المغربية باش يعطيكم حقوقكم هههه

فينكم أدوك لي كانو قالو كلنا مع بوحدوز ...هداك بشر هذا كابتن 

ماجد ماخصوش يغلط ههههه 

ماتبكيش ازياش وقعات لميسي ورونالدو. ..

إلى بغيتو تسبو وتبكيو بكيو على رونار لي مفروض خصو يكون 

حافظ اللعابة لي دخالين فلوجو وفنهارهم. ..ويقدم ليهم كوتش 

بسيكو يهيأهم نفسانيا. .