الناس لي كتلبس النظارات د الشمس

الناس لي كتلبس النظارات د الشمس 🕶 هاد المنشور موجه ليكم،،

بزاف د الناس كتفضل تلبس نظارات شمسية من السويقة، نظراً لثمنها الرخيص مقارنة مع الأثمنة لي كيلقاو عند les opticiens,, لكن إلا عرفتي الخطورة لي كتشكل دوك النظارات المقلدة ذات الزجاج المصبوغ غادي تراجع نفسك !!
بعض العقليات كتكول، بما أن تا واحد معارفش أنني لابس دوريجين أولا لميتاسيون، راه صافي بخير مكاين تا موشكيل !!
لاصديقي كاين مشكل أو مشكيل كبير مزال !!
بغض النظر عن l’fashion و الموضة، راه الزجاج دنظاظر دالسوق خطر على العين👁، كيفاش؟ أنا نجاوبك: فاش كنضللو على العين بزجاج مكيتوفرش على فيلتر مضاد للأشعة فوق البنفسجية UV، العين كتحاول تأقلم مع نقص الضوء بتوسيع حجم بؤرة العين, إذن العين كدخّل كميات مضاعفة من هاد الأشعة لي كنعرفو الخطورة ديالها على كاع المكونات د العين، وهي السبب اللول فالإصابة ب جلالة La cataracte و ضفر Ptérygion و أمراض خرى.
داك الفرق ف الأثمنة ما شي غير هاكاك، بكل بساطة الفيلتر AntiUV تقنية متطورة لي ميمكنش نظارة د 30 درهم توفر عليها !!
لي كلامي مقنعوش، ها لعار إلا مخلي عنيك بلا متلبس ليهوم نظارة د السوق 🕶 ، راه عينيك كتقلل نسبة دخول les UV بوحدها !!
هادشي كامل إلا كلتو غير باش تستهلك بلا ما تهلك أعز ما عندك "عنييييك 👁"
سلااااام،،