الثقافة الجنسية : التشنج المهبلي

التشنج المهبلي ، هي واحد الحالة كتأثر على قدرة المرأة باش تكمل الجماع، كتوقع ليها تقلصات لا ارادية للعضلة الدائرية لفتحة المهبلة داكشي لي كيخلي المهبل يتسد و متبقاش عندو قدرة باش يوساع ولا حتى فعملية الايلاج

❌الاعراض :

فعملية الايلاج على مستوى الفرج كيوقع تشنج فالعضلات لي دايرة بالمهبل و هادشي لي كيخليه يتسد و كيتعذر دخول القضيب و كيسبب ألام للمرأة لحد كبيييير .. و الا رجعنا للثقافة ديالنا و من الخرافات الي مزال متشبتين بيها بزاف ديال الناس كيقولك هاذ البنت " مثقفة " ماشي الثقاقة هههههه زعما " الثقاف "كتولي مقادراش تتحل حتى يحلها الطبيب و لا بأمور الشعوذة و الخزعبيلات .. مهم هادشي لا اساس له من الصحة، كيبقى عندو سبب منطقي ، و من اکثر المشاكل لي كتوقع ليلة الدخلة، السيد كيجي زربان و البنت مخلوعة و كيصدق مشتت القضية و فالغالب مكيكونش عندو دراية بالموضوع حيت بلادنا زيرو فالثقافة الجنسية ، قلاااااال لي عارفين و يعدون على رؤوس الاصابع .

❌انواعه :

التشنج المهبلي الاولي : هو لي كيوقع عند العذراء
التشنج المهبلي الثانوي : هو لي كيوقع عند المزوجة

❌المسببات :

اسباب عضوية : لي تقدر تكون احد هاد الاسباب شي التهاب كيوقع على مستوى منطقة الحوض مثلا ، كيتسبب فتشنج العضلات باش يخفف الالام ..
اسباب نفسية : و فاغلب الحالات الاولية كيكون مشكل عندو سبب نفسي، حيت البنت العذراء كتكون عندها مخاوف متعددة كتبقى تفكر فالالم و لي كتوهم بيه الي غايصاحب عملية الادخال . و لا تقدر تكون هاديك البنت تعرضات لشي تجربة مؤلمة فالطفولة ، كتعرض لحادث ضرار جنسي Childhood Sexual Abuse , و لا تکون تعرضات لاغتصاب صريح .
اما فيما يتعلق بالتشنج الثانوي ( المرأة المتزوجة) كيقدر يجيها من بعد الولادة و لا فمرحلة سن اليأس ولا حتى بسبب خيانة زوجية .

❌طرق العلاج :

- خاص الزوج و الزوجة يكونو على دراية بالموضوع اولا و عندهم ثقافة مسبقة على كيفية التعامل معه باش يتغلبو على الافكار السلبية و يرجعوها ايجابية باش تنجح عملية الجماع بمحبة و رضى ..
- يشوفو شي مختص ، و فالغالب كيمشيو عند اطباء النساء و التوليد في هاد الحالة كيتخدر المهبل كليا ، و كيقوم الطبيب/ة بإجراء الكشف النسوي العادي بحيت كيدخل اصبعي الفاحص ( السبابة و الوسطى ) في فتحة المهبل ، و الغرض الاساسي منها يحيدو الشك بلي السبب عضوي ، و هادشي كيديروه تحت اعين الزوج باش يعرف الغلط منين و الطريقة و الاتجاه الصحيحين فالايلاج .. و كيعاودوها مرة اخرى بدون تخدير بوجود تحت مراقبة الزوج .. من بعد كيخصهم يشوفو طبيب مختص في الطب النفسي و العلاج الشلوكي المعرفي .. حتا كتأقلم المرأة تدريجيا و كيترخاو العضلات المتشنجة في المهبل و تقبل استقبال جسم فيه ...
- و قريت حتا على شي تمارين كتمارسها المرأة بوحدها .. سميتها تمارين كيجل لتقوية عضلات المهبل .

❌الاثار الجانبية :

يمكن المرأة مكتوصلش للمتعة مع الشريك ديالها، او كيفما كيقولو " مكيقنعهاش" و كتحدث ليها تقلصات ..
- ضعف انتصاب قضيب الشريك .. الخ .