لا تتزوج من الموظفة ولا تسألني لماذا

لا ماكلة فوقتها، لا نعاس فوقتو ثلاجتها عامرة بواطات كلشي كيتكونجوليه من الخبز تال المرقة أكلتها المفضلة الروز مسلوق بالبيض و الطون و شعرية إندومي. حلمها هو دير بيرمي و تشري كليو فالغوز و دفع فشي برطما، باش تفقس المحسادات فعائلتها و حومتها و صحاباتها فالإنستغرام. فلوسها كيمشيو فالماكياج و فالقيساريات، الماريو ديالها عامر غا يطرطق. شعارها سترونغ إندبندت وومن و فنفس الوقت كاع الشوافات و الفقهة عندها نوامرهم. تدوي معاها تقول ليك أنا مرا ناجحة فحياتي و واصلة، بصاليري حياتها عذاب، كتخرج مع السبعة و كترجع مع الستة، كتسخن الإندومي و جوج بيضات مسلوقين و كطيح. مع توالي فشل علاقاتها العاطفية كتولي تحس بالعالم كلو حاضيها، كتعمر راسها بالسحور و الحسد و الغيرة و الغدر حيت هي موظفة بدارها بطوموبيلتها. مع السنوات كيتجمعوا فيها كاع أمراض العصر، فقر الدم و القولون و إنزلاق الغضروف. كتولي معصبة و مقلقة، الهرمونات كيتخربقوا عنداك يزغبك الله و تقول هادي هي لمرا ديال الزمان، قودتيها لا ماكلة فوقتها لا حوا فوقتو تدوي معاها تقول ليك أنس ما تبقاش تقرّب ليا وسط السيمانا نوض طيب لينا لعشا راني عيانة مدكدكة صاليري ما تسولنيش عليه حدك تما أخر مرة تهز عليا صوتك،ياك ما يحساب ليك جبتيني خدامة، انا راه موظفة و برزقي. يعيط ليها المدير تنوض كتجري مرعودة للتلفون. نهار دير معاها وليدات، قودتيها ديال بصاح مع أول موشكيل غا تخليك تا تمشي للخدمة و تعيّط لحميد مول الكاميو غا تخلي ليك غا المقابط د النشير و عصا مهرسة ديال الشطابة. و فاش تلاقاها فالجلسة فالمحكمة تحط للقاضي شربيل مقلوب.