كيف تحسب فاتورتك الكهرباء من العداد

اذا كان هناك اي غلط او أي إضافة أفيدونا بكل بساطة كيف تحسب فاتورتك د الكهرباء ➖ أولا ➖ خصنا تعرفوا شحال من كيلوات استهلكنا : كاينين 2 طرق : 🔶 الطريقة 1 🔶 نحسب شحال كنستهلك في يوم واحد و نضربوا في 30 يوم / مثلا مع 8 صباح نقيد شحال عندي فالكنتور غدي نلقى مثلا الصورة 42.692 ، في الغد و مع 8 د الصباح لقيت مثلا 42699 ، هنا غدي تعرف انك استهلكت 7 كيلو في يوم واحد / يعني استهلكنا تقريبا 210 كيلوات في شهر. هذا الرقم ممكن يطلع ممكن يهبط على حسب : هناك ايام عادية و هناك أيام استعملت المكيف و هناك أيام كنت غائب عن المنزل.... إلخ هاذي طريقة سريعة و غير دقيقة لكنها تفي بالغرض. 🔶 الطريقة 2 🔶 في أول كل شهر تقيد شنو عندك في الكنتور و الشهر القادم تنقص الرقم الجديد من القديم و تعرف بالظبط شحال استهلكت و ممكن تتوقع الفاتورة القادمة شحال فيها و بهاد الطريقة ممكن تحتج بها لاراديف في حالة لقيتي شي فرق كبير بين شنو حسبت انت و بين الفاتورة لي جاتك ➖ تانيا ➖ دبا عرفنا شحال استهلكنا من كيلواط ، خصنا نحسبوا ثمن لي خص يكون في الفاتورة : و باش ما ندخلو في متاهة الأرقام و التفاصيل غدي نعطي خلاصة هي أقرب للواقع.. أقل من 100 كيلوات اضرب في 1،15درهم بين 100 و 180 كيلوات اضرب في 1،2 درهم بين 180 و 300 كيلوات اضرب في 1،3 درهم فوق 300 كيلوات اضرب في 1،4 درهم مثلا : استهلكت 76 كيلوات مضروب ف 1،15 = 87،40 درهم استهلكت 300 مضروب ف 1،4 = 420 درهم و هكذا..... زيادة على الرسوم و الضريبة 📝 ملاحظة : هدى طريقة سريعة و سهلة باش تعرف تحسب فاتورتك و استهلاكك للكهرباء بالتقريب بهامش خطأ بين 20 و حتى ل 40 درهم تقريبا ، لكن إلى لقيتي الفرق بين 150 أو 200 درهم فما فوق فأكيد هناك خطأ من عندهم و لنا عودة للموضوع فاتورة الكهرباء بالتفصيل و أيضا لفاتورة الماء و التطهير... #صفحة: