العرض محدّود.. شاب ثلاثيني سطاعشرمية مع احتساب الرسوم..

 الهَوتة.. الصّولد.. الهميّزات.. العُروض بطاطا ولي تعطلتْ ما 

تلقّاش..

شاب ثلاثيني فينما حطيتيه يخدّم وكيتكيّف مع جميع الظروف 

المناخية وأحوال الطقس.. ما يرّشا فبرد.. ما يلّوى فصهد ما 


يدِيبُوردي فخريف.. ما يطيح أومبّان ما يخليك فبلاكة الستين 


منشورة.. ما شي أزماتيك ما تجيه كزيما.. تستعمل جوج مرات 


فقط، ودار الفيدونج مرة وحدة، ويُعاني من البرودة لكن حالها 


ساها مَاهل .. عشريام فمرزوكة وتمشي.. خاصو غا ثلثلاّف 


وربعمية ديال الإصلاحات وغيرجع nouveau.. كيكمي كازا 


ويشرب الماحيا وهذا مؤشر على أصالتو الضاربة في العمق.. 



معمرو يخطاك وسريع التنقل.. ومعاه غتربي السّوفل والمُوليات 


فالمشيّ. حطيه فالصالون ينعس.. فالكوزينة ينعس.. فالسطح 



ينعس.. جلدو مضاد للبرغوت والقمل.. عندو قدرة على يشمّ 


الفأرة 

من بعيد، وقاتل متسلسل لسراق الزيت.. معاه مُش حا تغمّضي 


عينينك، كيلعب بصبعو بزاف فأماكن الدِّيمارو ديال العيالات .. 


غير مُتطلب وعندو مناعة من الوسخ ومُقتصد فالحمام.. شارجيه 


مرة فالنهار وخليه فالشمس يسّخن .. يتسخر فالربعة د الصباح.. 



فالحوج د النهار.. يجيب الحليب وينخض اللّبن جوج مرات 



فالنهار مع إمكانية يزيد لثلاثة وربعة إلى كان شَارب ماحيا.. 



بمعنى.. همزة صحيح دايزها الكلام.. 




والثمن بطاطا.. 




سطاعشرمية مع احتساب الرسوم.. 




والعرض محدّود..



حسن الحافة