ثورة واتساب .... سير المظاهرات ببلد أشجار الأرز

الواليد معندوش مع التلفازة، وكاع إلى جابتو الوقت وتفرّج فيها 



كنلقاه يا إما شاد قناة الحيوانات، ولا متابع ذيك الزراعية 



المصرية 


كتعرض الروبورتاج ديال شي نعاج نازل عليها الضيّم، ولا يخلينا 


تا نخرجو ويخلى ليه البيت؛ ويبدا يقلب على دوك القنوات ديال 




الرقص والشعبيات المصرية.. هاذ يومين ولّا مقابل غا الجزيرة 



وتغطيتها للحَراك فلبنان.. ياكل حدا التلفزة.. يشرب دوا السكر 



حدا التلفزة.. ينعس حدا التلفزة.. يبدل جلابتو حدا التلفزة.. 

كينوض 


غا إلى شداتو البولة.. 



أنا يحساب ليا ولا مُهتم بالسياسية الخارجية عليها دخلت العشية 


ولقيتو متابع ء بإنتباه وتركيز ء سير المظاهرات ببلد أشجار 



الأرز 



وداكشي؛ وقلت ناقشو شوية لعل وعسى نربح صوت ثوري 



فالدار..



ء وفين وصلت لبنان الواليد..



تنهد ديك التنهيدة ديال واحد محكوم بالمؤبد ومبقاش غيشوّف 



العيالاّت..



ء ولاد الحرام كيضربوهم ومحنيّنهم.. مالهم عليها، إلى مبغاوش 


يجيبو ليهم داكشي لي بغاوّ، مرحبا بيهم ديورنا مفتوحين قدامهم.. 



مالنا كفار ما نستقبلوهم ونديرهم فوق راسنا.. 



ء هي تا اليمنيين يجو عندنا راه مقربّلة عندهم؟



ء نوض أوليدي تشوف ما تسالي.. كاليك اليمن.. اليمن كيصبروا 


وعندهم الله.. لبنان لي ما عندها تا واحد..



ونوض غبّر علي وجهك من حدايا خليني نشوف فين غيوصلو..



ء لبنان ألواليد.. كاع هادشي إنسانية فيك؛ وإنت الواليدة ولات كي 



ختك.. كون تحشم وخلينا نتفرجو فالمنتخب المحلي..



دابا راني كنتصال بأمي الحنونة نسوّلها واش نعس باش ندخل 

للدار.. 

حسن الحافة