فوائد كثيرة فى تمرين Farmer’s Walk "

 ‬‎هاد التمرين سميتو " Farmer’s Walk " أو مشية الفلاح.. 

تمرين بسيط ولكن فوائد ديالو كثيرة...

هز جوج بوديزات أو سطولة عامرين بالما أو الرملة.. ولا جوج 

صيكان ثقال.. أي حاجة عنديها الايد وسير بيه واحد المسافة.. 

ساهل بزاف هههه

هاد التمرين البسيط.. كيقوي لكتاف و الذراع والكف و الظهر و 

الكرش و الفخاد.. حيت الجسم ديالك كامل كيخدم فاش يهز الثقل

 ويحافظ على استقامة الظهر..

هاد التمرين مفيد بزاف لاي واحد كيعاني من انحناء الظهر أو 

تقوس الكتف.. خلينا من داك النصب ديال صحاب حزام الظهر 

ههه

هاد التمرين تقدر يحگرو ولكن راك لمدرتيهش غتضيع نص 

عمرك.. هادا راه عشرين تمرين في واحد.. في بلاصة تخدم 

لكتاف بوحدهم ولكرش بوحدها والظهر بوحدو ولفخذ بوحدو في 

التمارين العادية.. هادا راه جامع حب وتبن.. ممكن نسميه سيد 

التمارين...

كاين تمرين آخر سميتو bear hug.. بحال ملي كتهز دلاعة ههه 

شد اي حاجة ثقيلة.. صاك ثقيل أو حجرة كبيرة.. عنقها قدام 

صدرك وسير بيها واحد المسافة.. تقدر تدير هاد التمرين في 

الهواء الطلق أو غي في السطح ولا البيت ديالك.. غينفعك باش 

تقوي الظهر والكرش...

هاد النوع من التمارين أفضل بكثير من رفع الاثقال وتبقا واقف 

في بلاصتك بحال الروبو.. راك انسان.. في الحركة بركة.