صاحب المهمات المستحيلة ......كارلوس غصن

للبناني المقود كارلوس غصن صاحب المهمات المستحيلة واحد من أقود الرؤساء التنفيديين فالعقدين الأخيرين يدير ثلاتة شركات سيارات في نفس الوقت واينما تولو وجوهكم كايبانو ليكوم السيارات الي كاتنتج الشركات لي كايترأسها

كارلوس تزاد يوم 9 مارس فبورتو فاليو فالبرازيل دوز فيها 6 سنوات الاولى من العمر ديالو من بعد رجع مع العائلة ديالو في لبنان قرى فيها الاعدادي ومن بعد سافر لفرنسا وكمل قرايتو تما خدا البكالوريوس من مدرسة البوليتيكنيك

بدا كارلوس المسار المهني ديالو بسطاج في ميشلان وحقق نجاح باهر خلال 18 سنة لي خدم معاهوم بحيت انه بعد مدة وجيزة من الخدمة ديالو معاهوم اصبح سنة 1981 مدير ديال إحدى المصانع الفرعية ديال ميشلان في فرنسا وفي 1984 تعين كمدير ديال قسم الأبحاث والتطوير في الشركة وفي 1985 غادي إمشي لامريكا الجنوبة وغادي إصبح رئيس تنفيدي ديال الشركة تما وفي 1989 غادي إمشي لميريكان باش يكون الرئيس التنفيدي ديال مشلان فامريكا الشمالية

في 1996 غادي ابدا المشوار ديالو مع رونو renault كنائب المدير العام المسؤول على المشتريات

في سنة 1999 تحالفات الشركة ديال رونو مع نيسان اليابانية وهنا غادي ابدا المسار ديال كارلوس نحو الشهرة العالمية بسبب النجاح الباهر لي حققو مع نيسان

قبل ما يتولى كارلوس الادارة ديال نيسان كانت مقودة على عليها بمعنى الكلمة كانت تابعاها 22 مليار دولار ديال الديون نقصات المبيعات ب 30% في اخر ثلات سنوات وتراجعات نسبة الانتاج ب مليون سيارة وكانت نسبة الإنتاج 53% فقط من قدرة المصانع الانتاجية ومع فشل كل المحاولات ديال انقاد الشركة مند التسعينات كانت الشركة تسير نحو الافلاس وكان شبه مستحيل الانقاد ديالها

تسلم كارلوس الادارة ديالو للشركة ومن بعد ثلاتة اشهر ديال الدراسة الميدانية أعلن في اكتوبر 1999 على الخطة ديالو ليجا في بعض منها انه غادي اجري على 21000 عامل كايسلخو المعزي وغادي يسد خمسة مصانع وغادي تحقق الشركة الارباح من بعد عام فقط وغادي تخفض الديون ديال الشركة ب50% وغادي دير هامش ديال الربح تاع 4.5% بعد عامين وتعهد بالاستقالة الى ماحققش هادشي

وفعلا من بعد عام سجلات الشركة ارباح قياسية بنسبة % 9.7 وهو اعلى رقم غادي تحققو شركة نيسان فالتاريخ ديالها وغادي ارفع نسبة الانتاج من% 53 الى % 80 ومن بعد 3 سنوات المدة ديال الخطة غادي اكون قضى على جميع الديون ديال الشركة و تحققات جميع الاهداف ورجعات نيسان كأحد اقود شركات السيارات فالعالم

سنة 2005 غادي اصبح كارلوس رئيس شركة رونو اضافة الى منصبه في شركة نيسان وبدالك غادي إكون أول واحد اترأس شركتين كبيرتين في نفس الوقت

كارلوس كايهضر بالعربية مزيان بالاضافة الى الفرنسية والبرتغالية والانجليزية

كارلوس فايت ليه جا للمغرب شحال من مرة وكان قال سنة 2015 ان هاد لوزين ديال طنجة هو أحسن فرع ديال رونو فالعالم.